Дваесет и три држави побарале технологија за следење од Епл
- Властите на 23 држави во светот побарале пристап до технологија за следење контакти од компаниите Епл и Гугл.
![Дваесет и три држави побарале технологија за следење од Епл](https://mia.mk/index.php/images/20240304145021_big_730x400_40.webp )
Оукленд, 21 мај 2020 (МИА) – Властите на 23 држави во светот побарале пристап до технологија за следење контакти од компаниите Епл и Гугл.
Двете компании соопштија дека неколку американски сојузни држави и 22 други земји побарале пристап до нивните технологии, но засега не се знае колку на крајот ќе објават мобилни апликации кои ги користат.
Употребата на апликациите за брзо следење на контакти, во кои властите идентификуваат и тестираат луѓе кои неодамна биле во близина на носители на коронавирусот, се појави како потенцијална алатка за спречување нови епидемии.
Тоа би можело да им помогне на властите да тестираат повеќе потенцијално заразени лица, отколку што може со евентуално сеќавање на пациентите за неодамнешните интеракции. гт/