Во Србија регистрирани 20 пациенти заболени од западнонилска треска
- До 26 август на територијата на Србија регистрирани се 20 автохтони случаи на западнонилска треска кај човечката популација, се наведува во соопштението на Институтот за јавно здравје на Србија „Д-р Милан Јовановиќ Батут“
![Во Србија регистрирани 20 пациенти заболени од западнонилска треска](https://mia.mk/index.php/images/20240827173005_big_730x400_36.webp )
Белград, 27 август 2024 (МИА) – До 26 август на територијата на Србија регистрирани се 20 автохтони случаи на западнонилска треска кај човечката популација, се наведува во соопштението на Институтот за јавно здравје на Србија „Д-р Милан Јовановиќ Батут“.
Од вкупниот број заболени, 14 се од машки пол, додека шест се од жени. Просечната возраст на заболените е 58 години.
Додека во земјите-членки на Европска Унија до 21 август пријавени се 201 случај на западнонилска треска кај човечката популација. Во Грција регистрирани се 66 случаи, Италија – 76, Романија – 14, Унгарија – 13, Шпанија – 12, Австрија десет, Франција – седум и во Хрватска – три.
Западнонилската треска е сезонско заболување кое се пренесува со каснување на заразен комарец. Симптомите на западнонилската треска може да се главоболка, треска, болки во мускулите и зглобовите, гадење и замор. ми/
фото: МИА архива