Прилеп, 9 јули 2025 (МИА) - На одделението за гинекологија и акушерство во прилепската градска болница се подготвува отворањето на школа за трудници. Првично, десет трудници, идни мајки ќе ја посетуваат школата каде ќе добијат совети за грижа во периодот за подготовка и при раѓањето на нивното дете. Школата ја иницира гинекологот акушер Билјана Кржеска, раководител на одделението.

-Оваа идеја е од поодамна и во последната гходина се трудам што побрзо да ја реализирам. Конечно, идејата се оствари. Просторијата на одделението ја подготвивме со помош на наши пријатели, граѓани и фирми. Програмата е кратка, јасна, едноставнса. Со разговор ќе им го објасниеме породувањето. Во почетокот се трудниците во последниот месец од бременоста. Ќе им објаснеме да не се плашат, да бидат смирени, тие се во сигурни раце на нашите лекари и акушерки за радосни да го пречекаат раѓањето на своето дете, објаснува д-р Кржеска.

Идните мајки многи ги збунува сето што ќе го прочитаат на Интернет, па стручниот совет е да не веруваат во сето тоа, туку да ги бираат информациите. На гинеколошко-акушерското одделение во моментов има доволна екипираност и современи апарати. Има шест лекари и доволно друг персонал да им излезе во пресрет на идните мајки.

Групата од 10 трудници кои се пријавуваат деновиве се екипира. Се очекува школата да започне со работа за една недела.ем

Фото: МИА