Водата во Скопје е безбедна за пиење
- Водата за пиење во Скопје е безбедна покажуваат резултатите од направените физичко-хемиски и микробиолошки испитувања од 49 мерни места во градот.
![Водата во Скопје е безбедна за пиење](https://mia.mk/index.php/images/20230213093413_big_730x400_13.webp )
Скопје, 13 февруари 2023 (МИА) - Водата за пиење во Скопје е безбедна покажуваат резултатите од направените физичко-хемиски и микробиолошки испитувања од 49 мерни места во градот.
-Секторот за санитарна контрола во периодот од 06.02.2023 до 10.02.2023 зема 193 примероци за физичко-хемиска и 193 примероци за микробиолошка анализа на вода за пиење од 49 мерни места во Градот Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, соопшти ЈП „Водовод и канализација - Скопје.
Овие резултати се дел од неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. сст/са/