Винисиус ја доби Златната топка за најдобар играч на Светското клупско првенство
- Крилниот напаѓач на Реал Мадрид, Винисиус Жуниор е прогласен за најдобар фудбалер на Светското клупско првенство.
![Винисиус ја доби Златната топка за најдобар играч на Светското клупско првенство](https://mia.mk/index.php/images/20230212105216_big_730x400_39.webp )
Рабат, 12 февруари 2023 (МИА) - Крилниот напаѓач на Реал Мадрид, Винисиус Жуниор е прогласен за најдобар фудбалер на Светското клупско првенство.
Бразилецот постигна три гола на турнирот, еден во мечот со Ал-Ахли (4:1) во полуфиналето, два во финалето против Ал-Хилал (5:3). Исто така имаше и една асистенција.
За настапот на турнирот во Мароко, Винисиус ја доби Златната топка.
Сребрената топка му припадна на играчот од средниот ред Федерико Валверде од Мадрид, а бронзената топка му припадна на напаѓачот на Ал Хилал, Лучијано Вието. зс/