Борел: Неопходно е да се изврши притисок врз Израел да дозволи пристап до хуманитарната помош во Газа
- Високиот претставник на ЕУ за надворешна политика и безбедност, Жозеп Борел денеска изјави дека е неопходно да се изврши притисок врз израелската влада за да се овозможи непречен пристап до хуманитарна помош до цивилите во Појасот Газа.
![Борел: Неопходно е да се изврши притисок врз Израел да дозволи пристап до хуманитарната помош во Газа](https://mia.mk/index.php/images/20240307162441_big_730x400_54.webp )
Брисел, 7 март 2024 (МИА) - Високиот претставник на ЕУ за надворешна политика и безбедност, Жозеп Борел денеска изјави дека е неопходно да се изврши притисок врз израелската влада за да се овозможи непречен пристап до хуманитарна помош до цивилите во Појасот Газа.
-Сите оние кои се загрижени за ситуацијата во Газа треба да извршат притисок врз израелската влада да дозволи непречен пристап до хуманитарна помош и да не ги блокира конвоите, напиша Борел на „Х“.
Тој додаде дека „другите опции не се доволни“.
-Испораките по воздушен пат се добри, но недоволни. Потребни се морски коридори, но им треба време. И времето е важно, рече Борел.
Најмалку 30.800 Палестинци се убиени во Појасот Газа од избувнувањето на конфликтот меѓу Израел и Хамас на 7 октомври минатата година, според здравствените власти.
Покрај тоа, повеќе од 70 илјади луѓе беа повредени, а многу тела се уште се под урнатините. мс/
фото: ЕПА