Бектеши: Со Албанија ќе реализираме заеднички проекти за изградба на инфраструктура за снабдување со гас и инвестиции во обновливи извори на енергија
- Министерот за економија Крешник Бектеши во рамки на Втората меѓувладина седница на Владите на Северна Македонија и Албанија со неговите колеги Белинда Балуку, министер за инфраструктура и ене
![Бектеши: Со Албанија ќе реализираме заеднички проекти за изградба на инфраструктура за снабдување со гас и инвестиции во обновливи извори на енергија](https://mia.mk/index.php/images/20221128061047_big_730x400_7.webp )
Скопје, 14 ноември 2022
Министерот за економија Крешник Бектеши во рамки на Втората меѓувладина седница на Владите на Северна Македонија и Албанија со неговите колеги Белинда Балуку, министер за инфраструктура и енергетика на Албанија и Едона Биљаљи, државен министер за заштита на претприемништво на Албанија потпиша два Меморандуми за соработка.
Меморандум за соработка во енергетиката и Меморандум за соработка за развојот на претприемништвото и конкурентноста на малите и средни претпријатија и стартапи.
Земајќи ги предвид поволните услови на двете земји за проширување на енергетската соработка како и важноста и бенефициите од билатералната соработка во енергетскиот сектор и енергетските ресурси заради взаемна корист и во согласност со принципите на легислативата на ЕУ и Договорот за основање на Енергетска Заедница со Меморандумот за соработка во енергетиката е предвидено да се интензивира билатералната соработка во енергетскиот сектор согласно национални политики и стратегии на Северна Македонија и Албанија.
Целта на Меморандумот за соработка во енергетиката е да создаде рамка за соработка меѓу двете страни за подготовка и реализација на заеднички енергетски проекти, главно кои се однесуваат на инфраструктурата за природен гас и ТНГ терминалот во Валона, како и обновливите енергии.
Исто така, преку него ќе се реафирмира волјата и подготвеноста на страните за долгорочно планирање на инфраструктурата и координиран развој на поврзаноста Албанија - Северна Македонија, со фокус на подобрување на енергетската безбедност во регионот на Западен Балкан и сигурно снабдување со енергија.
По стапувањето во сила на овој Меморандум, ќе се формира Мешовит комитет составен од експерти од двете страни, со цел гарантирање и ефикасно спроведување на активностите за соработка во рамките на овој Меморандум.
Целта на Меморандумот за соработка за развојот на претприемништвото и конкурентноста на малите и средни претпријатија (МСП) и стартапи е да се зајакне соработката меѓу Северна Македонија и Албанија овозможувајќи меѓусебна размена на информации и споделување искуства поврзани со прашања кои се однесуваат на претприемништвото и подобрување на еко системот за МСП и стартапи.
Со овој Меморандум двете земји ќе соработуваат во делот на приближување на националните и регионалните политики во усогласување со правото на Европската унија и поттикнување на регионална соработка и развој во однос на прептриемништвото и подорбување на еко системот за МСП и стартапи и ќе работат на развој на административни капацитети за имплементација на Стратегиите на двете страни во опфатените области.
Со Меморандумот е предвидено организирање заеднички активности и учество на конференции, форуми, самити или работилници, како и изготвување проекти во области кои заеднички ќе бидат определени за да аплицираат за дополнителни финансиски ресурси за регионална соработка со цел да се зголемат областите прифатливи за двете Страни.
Во своето обраќање на заедничката меѓувладина седница министерот Бектеши потенцираше дека Република Северна Македонија и Република Албанија имаат голем простор за соработка во енергетскиот сектор со проектите што почнаа да се реализираат во Албанија, каде што се предвидува да биде дел и Северна Македонија.
„Со колегите од Албанија работиме за да се забрза имплементацијата на проектот за трансмисија, што ќе даде дополнителна можност енергетските пазари на Северна Македонија и Албанија да се интегрираат и заедно да ја имаат првата берза за електрична енергија овде во регионот. Исто така, надлежните министерства треба да го решат и прашањето за олеснување на процедурите за увоз на земјоделски производи. Нашите две земји ќе ја продолжат соработката со единствена цел да се интегрираат во олеснувањето на трговијата“ кажа министерот Бектеши.
Министерство за економија
—————————————————————————————————————————
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.