Алкараз: Сакам финале со Синер на „Вимблдон“
- Карлос Алкараз за прв пат во кариерата го освои Ролан Гарос. Сепак, одличниот Шпанец нема многу време за одмор.
![Алкараз: Сакам финале со Синер на „Вимблдон“](https://mia.mk/index.php/images/20240614132348_big_730x400_92.webp )
Лондон, 14 јуни 2024 (МИА) - Карлос Алкараз за прв пат во кариерата го освои Ролан Гарос. Сепак, одличниот Шпанец нема многу време за одмор.
За две недели ќе почне да ја брани титулата на „Вимблдон“ до која стигна по одличниот меч против Новак Ѓоковиќ.
Вториот светски рекет веќе ја изрази својата желба со кого би сакал да игра во евентуалното финале на терените на Ол Ингланд клубот.
-Ако сакате да освоите Гренд слем, треба да ги победите најдобрите. Би сакал повторно да играм против Синер, но овој пат во големото финале, изјави Алкараз.
Карлос конкретно ја спомена улогата на својот тренер Хуан Карлос Ферер.
-Понекогаш не знам што да правам на теренот. Во тие ситуации секогаш го слушам Феро. Би сакал тој да биде со мене до крајот на кариерата, изјави Алкараз. дс
Фото: Архива