Скопје, 10 март 2026, (МИА) -Непосредно по одбележувањето на Интернационалниот ден на жената – 8 Март, Стартап Клуб Скопје ја организира иницијативата „Недела на женски приказни: Week of Women’s Stories: The Revolution Has Her Voice“, серијал на настани посветени на споделување реални приказни и искуства на жени кои градат бизниси, водат иницијативи и создаваат позитивни промени во заедницата, се вели во соопштението на организацијата. Во него понатаму стои:

Поттикот за оваа иницијатива произлегува од потребата да се создаде простор каде женските искуства, предизвици и успеси ќе бидат слушнати и споделени. Во време кога сè повеќе жени започнуваат сопствени бизниси, иницијативи и заедници, Неделата на женски приказни има за цел да поттикне дијалог, меѓусебна поддршка и инспирација за нови генерации жени кои сакаат да создадат промена.

Иницијативата Стартап Клуб Скопје ја организира во соработка со повеќе партнерски организации од екосистемот: АРНО, Унија на Млади Претприемачи, Мама Круг, GEA – Gender Equality Alliance, INOVA – Агенција за иновации, научно-технолошки развој и претприемништво, Јас Сум Жена, Фондација МИР, Stella Network, Women in Tech Macedonia, YessForLess и Универзитетското студентско собрание (УСС) при УКИМ.

Програмата започна со настанот „Her Voice Builds Communities – Women Building Communities & Inclusive Economies“ (9 Март), посветен на жените кои градат заедници и иницијативи што придонесуваат кон поинклузивни економии. Меѓу говорничките беа: Данче Азманова Мирчевска (Working Mom / Мама Круг), Ивона Трајановска (Phoenix Rising / Rikomak), Моника Каџибанов, и Теодора Милеска (PERIOD Skopje / Stella Network).

Следува настанот „Her Voice in Leadership: Women on C-Level – Leading with Purpose & Power“ (10 март), кој го отвора дијалогот за женското лидерство на C-level позиции. Говорничките на овој настан се: Катерина Минговска (COO, FitKit), Весна Иваноска (Avenga Academy), и Филомена Пљаковска-Аспровска (CEO & Chair, KaSys AD).

Третиот настан, „Her Vision Shapes a Sustainable Future – Women in Green Business“ (11 март), ќе се фокусира на одржливото претприемништво и улогата на жените во градењето зелени и одговорни бизниси. Говорничките се: Нина Цекиќ Костоска (Cool Bottles), Мариа Дуда Дибиаџо (The Countryside Retreat), и Мирјана Јосифовска (MIJA).

Следниот ден, 12 март, ќе се одржи „Her Story Leads Innovation – Women Founders & the Power of Starting“, панел дискусија со основачки на бизниси. Говорничките се: Ирена Ѓорѓиевска (INOVA), Семина Бекир (Tata’s Secret), Натали Ристовска (YOVA), и Олга Рајчиќ (Challenger / Verba AI).

Неделата ќе биде заокружена со networking настанот „Her Voice in Impact – Connecting Women, Creating Change“ (13 март), наменет за поврзување на жени од различни професионални сфери, размена на контакти, идеи и иницијативи, како и поттикнување на нови соработки во заедницата. Дел од овој настан ќе има и хуманитарна компонента, со поставени донаторски кутии за поддршка на самохрани мајки и со доделување благодарници за говорничките од претходните настани.

14 март (сабота) ќе се одржи настанот „Women Economic Forum: Smart Money Talks“, во ко-организација со здружението Јас Сум Жена, со фокус на економско овластување на жените, финансиски вештини и споделување искуства од женски лидери во бизнисот.

Сите настани ќе се одржуваат во Startup Club Skopje со почеток во 18:00 часот и траење до 20:00 часот, во периодот од 9 до 14 март.

Настаните се наменети за жени заинтересирани за претприемништво, основачки на мали бизниси, студентки, активистки и сите кои сакаат да започнат сопствена иницијатива или да се поврзат со заедницата.

Сите заинтересирани учесници можат да се регистрираат преку формата за регистрација: https://forms.gle/4SHPpXpDMsyjvVaAA додека повеќе за говорничките може да дознаат на објавите на социјалните мрежи на Стартап Клуб Скопје и сите партнерски организации.

Со Неделата на женски приказни, организаторите потсетуваат дека зад секоја иницијатива, бизнис или заедница стојат приказни за храброст, истрајност и визија приказни кои инспирираат и создаваат простор за нови гласови и нови промени.