Tiranë, 14 prill 2026 (MIA) - Presidenti i SHBA-së, Donald Tramp për ambasador të ri të Shqipërisë ka propozuar ish gjeneralin amerikan, Erik Vendt nga Kalifornia. 

Zgjedhja e Vend duhet të konfirmohet nga Senati. Ai vjen në vendin e ambasadores Juri Kim, e cila u largua nga Shqipëria në vitin 2023. Dy vite më parë, nominimi i diplomatit Dejvid Xh. Kostelançik për postin e ambasadorit të SHBA-së në Shqipëri "dështoi" pasi disa senatorë republikanë votuan kundër tij. Bllokimet e nominimeve që kërkojnë konfirmim nga Senati janë praktikë e zakonshme në betejat politike në Uashington. 

Aktualisht, ushtruese e detyrës së ambasadores së SHBA-së në Tiranë është Nensi Van Horn.

Vendt është në armatën amerikane që nga viti 1986. Që nga viti 1991, ai është pjesë e forcave speciale "Beretat e Gjelbra", duke ndërtuar një profil të fortë si oficer i operacioneve speciale. Në nëntor të vitit 2017, ai mori detyrën e koordinatorit të sigurisë së SHBA-së për Izraelin dhe Autoritetin Palestinez, duke luajtur një rol kyç në koordinimin e çështjeve të sigurisë në rajon.

Është i diplomuar në Universitetin e Kalifornisë, Santa Barbara dhe ka përfunduar studimet pasuniversitare në siguri kombëtare në shkollën pasuniversitare detare. qa/

Foto: Fejsbuk