Uashington, 2 prill 2026 (MIA) - Presidenti amerikan sot e shkarkoi ministren e drejtësisë dhe prokurore shtetërore Pem Bondi dhe në vend të saj emëroi zëvendësin e deritanishëm Tod Blanç.

Bondi ishte një përfaqësuese e fuqishme e politikave të Trampit gjatë mandatit të saj, duke shkelur traditën shumëvjeçare të Ministrisë së Drejtësisë për të qenë e pavarur nga Shtëpia e Bardhë në zbatimin  e hetimeve.

Kritikat ndaj dosjeve të autorit të ndjerë të krimit seksual, Xhefri Epstin, nga aleatët e Trampit dhe disa republikanë kanë dominuar në mandatin e Bondit. Ajo akuzohet për mbulimin ose mospublikimin e dokumenteve nga hetimi i Ministrisë së Drejtësisë për aferën Epstin.

Bondi është kritikuar gjithashtu për shkarkimin e dhjetëra prokurorëve me përvojë që punuan në hetime që Trampi nuk i miratoi. Kritikët e akuzojnë atë për braktisjen e përparësisë tradicionale të Ministrisë për drejtësi të drejtë.

Ajo është zyrtarja e dytë e lartë e administratës që shkarkohet nga Trampi në muajt e fundit. Trampi shkarkoi ministren e sigurisë së brendshme Kristi Noam më 5 mars, pas kritikave për mënyrën se si Trampi po e trajton politikën e imigracionit. sa/

foto: EPA