Teheran, 9 prill 2026 (MIA) - Presidenti iranian Masud Pezeshkian sot e dënoi shkeljen e armëpushimit dyjavor midis Iranit dhe ShBA-së dhe paralajmëroi se Teherani do t'i përgjigjet "me vendosmëri" çdo sulmi.

 Në një bisedë telefonike me kryeministrin pakistanez Shahbaz Sharif, ai i dënoi sulmet e djeshme në ishujt Lavan dhe Siri, raportoi Iran Press TV.

 Pasi, sipas tij, ShBA dhe Irani ranë dakord për një armëpushim dyjavor pasi Uashingtoni mori një propozim prej 10 pikash nga Teherani, Izraeli nisi sulme intensive ndaj Libanit, ndërsa Pezeshkiani theksoi se Libani është përfshirë në planin prej 10 pikash, ndërsa Izraeli dhe ShBA pretendojnë të kundërtën.

 Ai shtoi se plani përfaqëson një kornizë për një përfundim të përhershëm të luftës.

 Pezeshkian tha se pranimi i armëpushimit nga nga ana e Iranit pavarësisht shkeljeve të përsëritura të detyrimeve dhe të drejtës ndërkombëtare nga ana e ShBA-së tregon qasje "të përgjegjshme dhe autoritare" të Teheranit.

 Ai theksoi se qasja e Teheranit varet nga angazhimi i sinqertë i ShBA-së dhe Izraelit ndaj parimeve të negociatave dhe respektimi i detyrimeve të tyre, dhe përsëriti se siguria e rrugës ujore vitale në Ngushticën e Hormuzit varet nga një ndërprerje e plotë e agresionit amerikano-izraelit.

 Pezeshkiani u bëri thirrje vendeve në rajon dhe në botë që "të shfrytëzojnë këtë mundësi dhe të ushtrojnë presion mbi agresorët për të shmangur përsëritjen e gabimit strategjik".

 Foto: Arkivi i MIA-s