Shkup, 26 janar 2026 (MIA) - Deri tani pesë kandidatë janë paraqitur në shpalljen e Kuvendit për prokuror publik të Republikës së Maqedonisë së Veriut. Bëhet fjalë për u.d. prokuroren aktuale publike shtetërore, Anita Topollova Isajllovska, prokuroren Lençe Ristovska, gjyqtarin e Gjykatës penale, Nenad Savevski, ish kryetarin e Gjykatës penale, Vlladimir Pançevski dhe prokuroren e Prokurorisë së Shkupit, Lidija Raiçeviq. Afati për paraqitjen e kandidatëve skadon në mesnatë.

Gjyqtari i Gjykatës penale Savevski dhe prokurorja Raiçeviq për MIA-n e konfirmuan kandidaturën, ndërsa në deklaratë për media këtë e konfirmuan edhe prokurorja Ristovska dhe u.d. prokurorja shtetërore, Topollova Isajllovska.

Kandidaturën e tij për shpalljen për prokuror publik e konfirmoi edhe kryetari i Gjykatës themelore të Shkupit, Vlladimir Pançeski. Në paraqitjen thuhet se ai i plotëson të gjitha kushtet ligjore për kryerjen e funksionit prokuror publik shtetëror.

"Bashkëngjitur, ai u ka dorëzuar organeve kompetente propozim-dokumentacion dhe dëshmi për përmbushjen e kushteve të përgjithshme të përcaktuara në nenin 61 të Ligjit për Prokurorinë Publike, si dhe dëshmi për përmbushjen e kushteve të veçanta nga neni 62 paragrafi 1, alineja 1 e këtij ligji", theksohet në aplikimin e Pançevskit drejtuar Kuvendit.

Aplikim për funksionin e Prokurorit publik shtetëror paralajmëroi edhe ish-prokurori i lartë publik në Prokurorinë e Lartë Publike Shkup, Mustafa Hajrullahi.

Në dhjetor të vitit të kaluar, Ljupço Koçevski dha dorëheqje të parevokueshme nga funksioni i Prokurorit publik shtetëror. Deri në zgjedhjen e një prokurori të ri, për ushtrues të detyrës është zgjedhur Anita Topolova-Isajllovska, ish-zëvendësprokurore publike republikane.

Procedura për zgjedhjen e Prokurorit publik shtetëror filloi me konkursin e shpallur nga Kuvendi më 12 janar të këtij viti, me një afat për aplikim prej 15 ditësh nga data e publikimit në “Gazetën Zyrtare”. Kandidatët duhet të kenë një përvojë pune të pandërprerë prej të paktën 10 vjetë si prokurorë publikë ose gjyqtarë në fushën e së drejtës penale.

Sipas Ligjit për Prokurorinë Publike, aplikimet e pranuara i dërgohen Qeverisë. Pas dorëzimit të aplikimeve, Qeveria kërkon mendim nga Këshilli i Prokurorëve Publikë për të gjithë kandidatët. Këshilli është i detyruar të dorëzojë mendime të arsyetuara brenda 15 ditëve. Nëse Këshilli nuk jep një mendim pozitiv për asnjërin nga kandidatët e paraqitur, Qeveria nuk mund të propozojë asnjë kandidat dhe i sugjeron Kuvendit shpalljen e një konkursi të ri. Me 61 vota të deputeëve do të fduhet të zgjedhet prokurori i ri publik shtetëror. bsh/

Foto: MIA arkiv