Tiranë, 12 dhjetor 2025 (MIA) - Turistët e huaj jo vetëm që po vijnë në numër gjithnjë e në rritje, por ata po shpenzojnë më shumë gjatë qëndrimit të tyre në vend, njoftoi Banka Qendrore e Shqipërisë, sipas së cilës në periudhën janar-shtator të këtij viti, të huajt shpenzuan 4.4 miliardë euro, ose 14.5 për qind më shumë krahasuar me të njëjtën periudhë të vitit të kaluar.

Vetëm në tremujorin e tretë, turistët shpenzuan 2.3 miliardë euro, ose 21.6 për qind më shumë në bazë vjetore.

Për periudhën janar-shtator, konsumi mesatar vlerësohet të jetë rreth 431 euro, krahasuar me 398 euro në të njëjtën periudhë në vitin 2024. Rritja e konsumit lidhet drejtpërdrejt edhe me rritjen e numrit të vizitorëve.

Të dhënat nga Instituti i Statistikave tregojnë se për nëntë muaj, Shqipëria u vizitua nga 10.2 milionë shtetas të huaj, një rritje prej 5.7 përqind krahasuar me të njëjtën periudhë të vitit të kaluar.

Në të njëjtën kohë, shpenzimet e qytetarëve shqiptarë që udhëtojnë jashtë vendit janë rritur gjithashtu. Sipas Bankës Qendrore, shpenzimet e tyre në nëntë muajt e parë arritën në 2.1 miliardë euro, një rritje prej gati 20 përqind në nivel vjetor. sa/

Foto: CB sajt