Shkup, 14 prill 2026 (MIA) - Çmimi maksimal me pakicë i derivateve dizel nga mesnata do të ulet për 2,5 denarë për litër, ndërsa benzina do të jetë më e lirë me 1,5 denarë, vendosi sot Komisioni Rregullator për Shërbimet e Menaxhimit të Energjisë, Ujit dhe Mbeturinave Komunale (KRRE). Me vendimin bëhet ulja e çmimeve me pakicë të derivateve të naftës me një mesatare prej 2,73 për qind.

Çmimi maksimal me pakicë i EURODIZEL (D-E V) ulet për 2,5 denarë dhe do të arrijë në 95,5 denarë për litër, çmimet e benzinës EUROSUPER BS-95 dhe EUROSUPER BS-98 ulen për 1,5 denarë dhe do të shiten për 82, përkatësisht 84 denarë për litër, ndërsa çmimi i vajit ekstra të lehtë për amvisëri (EL-1) ulet për 3,5 denarë për litër dhe do të jetë 96,5 denarë. Me vendimin e KRRE-së, çmimi me pakicë i vajit të mazutit M-1 NS ulet gjithashtu për 2,084 denarë për kilogram dhe do të arrijë në 49,227 denarë.

Nga KRRE-ja potencojnë se çmimet referuese të derivateve të naftës në tregun botëror, krahasuar me llogaritjen e mëparshme, janë ulur mesatarisht me 2,703 për qind për benzinën, 3,251 për qind për naftën, 3,96 për qind për vajin ekstra të lehtë dhe 4,476 për qind për naftën e karburantit. Kursi i këmbimit të denarit kundrejt dollarit, me të cilin u formuan çmimet me llogaritjen e mëparshme, është më i ulët për 0,7165 për qind.

"Vërejmë se këto janë çmimet maksimale të derivateve të naftës që nga ora 00:01 më 15.4.2025. Shitësit me shumicë dhe pakicë të derivateve të naftës dhe karburanteve të transportit mund të vendosin çmime për derivatet individuale të naftës dhe karburantet e transportit më të ulëta se çmimet më të larta të përcaktuara", theksojnë nga KRRE-ja.

Në shumicën e pikave të karburantit në vend, derivatet dizel shiten tre denarë më lirë se çmimi maksimal i përcaktuar nga KRRE-ja, ndërsa benzina dy denarë më lirë. rq/

Foto: arkivi i MIA-s