Shkup, 21 janar 2026 (MIA) - Kuvendi, sot, në kuadër të seancës së 81-të, pas përfundimit të pyetjeve të opozitës, miratoi planin financiar të Agjencisë për Mbikëqyrjen e Sigurimeve për vitin 2026, vendimin për miratimin e propozimit të programit vjetor për punën dhe zhvillimin e Agjencisë për Aviacion Civil për vitin 2026 dhe vendimin për miratimin e propozimit të planit financiar vjetor të Agjencisë për Aviacion Civil për vitin 2026.

Gjithashtu, në seancë u votua vendimi për ndryshime të vendimit për miratim të vazhdohet afati për ekzistimin e gjendjes së krizës në një pjesë të territorit të Republikës së Maqedonisë së Veriut, Ligji për ndërprerjen e ligjit për zgjidhje jashtëgjyqësore, Ligji për ndryshime dhe plotësime të Ligjit për regjistrin e sigurimit të obligueshëm social dhe Ligji për ndryshime dhe plotësime të Ligjit për sistemin për vlerësim të personave me invaliditet dhe Ligji për detyrim të Republikës së Maqedonisë së Veriut me hua te Banka për Zhvillim pranë Këshillit të Evropës sipas marrëveshjes kornizë për hua për financim shtesë të projektit për ndërtim të sallave të edukatës fizike.

Gashi informon se për vazhdimin e seancës deputetët plotësisht do të njoftohen.

Paraprakisht sot, në kuadër të seancës së 81-të u votua nevoja për miratimin e ndryshimeve dhe plotësimeve të Ligjit për punët e brendshme dhe Ligjit për policinë, me procedurë të shkurtuar, me çka mundësohet ndryshimi organizativ, përkatësisht transformimi i Sektorit për punë të brendshme-Shkup në Departamentin për punë të brendshme - Shkup dhe parashikohet plotësimi me pozitë të re të punës - kryeshef i Departamentit për punë të brendshme-Shkup. Para se të kthehen në seancë plenare këto ligje duhet ta kalojnë fltrin e komisionit amë. sa/

Foto: printskrin