Shkup, 23 janar 2026 (MIA) - Në mbledhjen e sotme të Komisionit Shtetëror për Parandalimin e Korrupsionit (KSHPK) dominuan ankesat e lidhura me punën e disa shkollave, ankesat për emërimin e drejtorëve, si dhe rastet në të cilat persona nga institucionet shëndetësore dhe një ambasador, pas ndërprerjes së detyrës, nuk kanë dorëzuar deklarata për gjendjen pronësore.

Siç u theksua në mbledhje, pas konfirmimit të shkeljeve dhe shqiptimit të gjobave, shumica e personave të prekur i kanë paguar gjobat, gjë që i ndaloi procedurat.

KSHPK-ja e shqyrtoi edhe ankesën kundër kryetarit të gjykatës themelore, e cila është paraqitur nga një aplikues i njohur, ndërsa në të, siç tha Biljana Karakashova-Shuleva, anëtare e KSHPK-së, ka pretendime për sjellje joprofesionale dhe të paligjshme nga ana e kryetarit të gjykatës gjatë vendimmarrjes për vuajtjen e dënimit me burg.

 "Aplikanti pohon se kryetari i gjykatës themelore të lartpërmendur ka pezulluar vuajtjen e dënimit me burg, të shqiptuar me vendim të Gjykatës së Apelit, duke mundësuar kështu pezullimin e dënimit për trajtim. Megjithatë, ai nuk i ka marrë parasysh të gjitha faktet dhe rrethanat, përkatësisht se personi për të cilin është dhënë vendimi është gjykuar në mungesë për shkak të arratisjes, dhe në këtë mënyrë i ka krijuar mundësi personit të largohet nga vendi dhe t'i shmanget vuajtjes së dënimit", tha Karakashova-Shuleva.

Duke marrë parasysh, siç theksoi Karakashova-Shuleva, se çështja ka të bëjë me një vendim të marrë nga kryetari i Gjykatës Themelore, si dhe se Këshilli Gjyqësor ka autoritetin për të vepruar mbi peticionet dhe ankesat e qytetarëve në lidhje me punën e gjyqtarëve dhe kryetarëve të gjykatave, ajo propozoi që raporti t'i dorëzohet këtij organi.

"Propozoj që ankesa t'i paraqitet Këshillit Gjyqësor, duke pasur parasysh juridiksionin e tyre të përcaktuar në nenin 36 të Ligjit për Këshillin Gjyqësor, dhe që ankesa në lidhje me veprimet tona të rrëzohet", theksoi Karakashova-Shuleva.

Anëtarët e KSHPK-së e ndërprenë procedurën për ankesë për një universitet të Maqedonisë, që ka të bëjë me participimin, pagesat e shkollës, sepse për këtë rast tashmë vepron Prokuroria Themelore Publike.

Në lidhje me ankesat për kryerjen e punëve ndërtimore dhe kandidatin për këshilltar gjatë procesit zgjedhor për zgjedhjet lokale në vitin 2025 po ndalohen sepse në rastin e parë nuk janë konfirmuar shkelje, ndërsa në rastin e dytë tashmë vepron një institucion tjetër. sa/

Foto: MIA