Teheran, 29 janar 2026 (MIA) – Irani duhet të jetë i përgatitur për luftë, deklaroi nënkryetari i vendit, Mohamed Reza Aref, si përgjigje ndaj kërcënimeve për një ndërhyrje ushtarake amerikane.

“Sot duhet të jemi të përgatitur për luftë. Republika Islame e Iranit kurrë nuk ka filluar një luftë, por nëse i imponohet, do të mbrohet me forcë,” tha nënkryetari.

Ndërkohë, ish-kryeministri iranian Mir Hosein Musavi, figurë qendrore në lëvizjen protestuese të vitit 2009, sot u bëri thirrje liderëve iranianë të tërhiqen pas “krimit” që ai e quajti shtypje e protestave.

„На кој јазик треба народот да ви каже дека не го сака овој систем и не им верува на вашите лаги? Доста“, рече Мусави, кој е во домашен притвор од 2011 година, во соопштение објавено од неговиот медиум Каламех.

Ish-kryeministri pretendonte se ka fituar zgjedhjet presidenciale të vitit 2009 kundër presidentit të atëhershëm, Mahmud Ahmadinexhad, duke besuar se fitorja e liderit ultra-konservator ishte rezultat i manipulimeve, gjë që shkaktoi protesta masive në mbështetje të tij, të njohura si “Lëvizja e Gjelbër”.

Në deklaratën e tij, Musavi e përshkroi shtypjen e protestave këtë muaj, të cilat konsiderohen si lëvizja më e madhe protestuese në Iran që nga viti 2009, si një “faqe e zezë në historinë e kombit” dhe si “tradhti dhe krim i madh”.

Musavi tha se iranianët “nuk kanë zgjedhje tjetër” përveçse të protestojnë përsëri derisa forcat e sigurisë “më herët ose më vonë të refuzojnë të vazhdojnë të mbajnë barrën” e represionit.

Forcat e sigurisë iraniane, të veshura me rroba civile, arrestuan mijëra persona në një fushatë të arrestimeve masive, me qëllim parandalimin e protestave të mëtejshme.

Disa ditë pas shtypjes së protestave në Iran, anëtarët e forcave të sigurisë nisën një fushatë të arrestimeve masive, shoqëruar me një prani të madhe në rrugë, veçanërisht rreth pikave të kontrollit, thanë pesë aktivistë që folën nën kushte anonimiteti. Ata shtuan se të arrestuarit ruhen në vende të fshehta.

„Ata arrestojnë pa kriter. Askush nuk e di ku çohen të arrestuarit. Me këto arrestime dhe kërcënime, ata përpiqen të mbjellin frikë në shoqëri“, thanë aktivistët.

Raporte të ngjashme erdhën nga avokatë, punonjës shëndetësorë, dëshmitarë dhe dy funksionarë iranianë, të cilët folën nën kushte anonimiteti që të mbrohen nga hakmarrja.

Ata thanë se arrestimet duket se kanë për qëllim të pengojnë rilindjen e protestave, duke mbjellë frikë në një kohë kur autoritetet në Iran janë nën presion të shtuar të jashtëm. ls/

Foto: Uikipedia