Shkup, 11 dhjetor 2025 (MIA) - Një delegacion i Gjykatës Kushtetuese të Republikës së Maqedonisë së Veriut mori pjesë në një Konferencën ndërkombëtare të organizuar nga Gjykata Kushtetuese e Kosovës me mbështetje të Këshillit të Evropës, kushtuar sfidave të komunikimit dhe praktikave më të mira gjatë komunikimit të vendimeve të profilit të lartë të gjykatave kushtetuese.

Siç njoftoi Gjykata Kushtetuese, delegacioni maqedonas përbëhej nga sekretarja e përgjithshme Violeta Gjorgievska dhe këshilltarja dhe zëdhënësja për marrëdhënie me publikun, mr. Hristina Bellovska. Ata e prezantuan kornizën ligjore kombëtare për publikun dhe lirinë e informacionit, duke theksuar se transparenca është një angazhim strategjik i Gjykatës Kushtetuese. Njëkohësisht, u prezantuan aktivitetet dhe statistikat mbi komunikimet në vitin 2024 dhe 2025, me theks në informimin proaktiv dhe të rregullt të publikut.

Konferenca u hap me fjalimet e kryetarit të Gjykatës Kushtetuese të Kosovës, Nexhmi Rexhepi, sekretarit të përgjithshëm Veton Dula dhe një përfaqësuesi të Këshillit të Evropës. Në diskutime morën pjesë përfaqësues nga gjykatat kushtetuese të Shqipërisë, Bullgarisë, Kosovës, Turqisë dhe Republikës Çeke, të cilët ndanë praktikat e tyre kombëtare mbi transparencën dhe komunikimin me publikun.

Pjesëmarrësit theksuan rëndësinë e saktësisë, qartësisë dhe afateve kohore në komunikimin e vendimeve të gjykatës kushtetuese, si dhe nevojën për bashkëpunim të shtuar rajonal për të përmirësuar kapacitetet e komunikimit të gjykatave kushtetuese. mb/

Foto: Gjykata Kushtetuese