Shkup, 13 janar 2026 (MIA) - Me ndalimin e pirjes pasive të duhanit dukshëm do të ulet numri i pasojave të padëshiruara ekonomike, të cilat ndoshta nuk janë menjëherë të dukshme, por në afat të gjatë do të kontribuojnë në krijimin e një populli më të shëndoshë, deklaroi për MIA-n, prof.dr Dejan Dokiq, pulmolog, alergolog, të cilin e pyetëm për koment në lidhje me ligjin e ri të paralajmëruar kundër pirjes së duhanit.

"Ligji i ri kundër pirjes së duhanit, duhet ta pranoj, është mjaft kufizues, por shoh efekte jashtëzakonisht pozitive dhe përfitime nga zbatimi i tij për gjithë shoqërinë. Para se gjithash, me këtë ligj do të kursehen ata që nuk e pinë duhanin nga ekspozimi i pirjes pasive si në objekte hotelierike ashtu edhe në automobila", është i vendosur Dokiq.

 Mjeku tha se ky është një hap i rëndësishëm drejt përmirësimit të shëndetit publik.

"Veçanërisht është e rëndësishme që ligji parashikon mbrojtjen e fëmijëve me ndalesë për pirjen e duhanit në praninë e tyre, veçanërisht në hapësira të mbyllura. Fëmijët janë grupi më i rrezikuar dhe ata më së shumti i ndjejnë pasojat e dëmshme nga pirja e duhanit për shkak të mbrojtjes së tyre nga vlera primare për shoqërinë tonë. Këtë e konsideroj si një nga përfitimet kyçe dhe më pozitive të ligjit. Me ndalimin e pirjes pasive të duhanit dukshëm do të ulet numri i pasojave të padëshiruara shëndetësore, të cilat ndoshta nuk janë menjëherë të dukshme, por në plan afatgjatë do të kontribuojnë për krijimin e një kombi më të shëndetshëm", shtoi Dokiq.

Gjithashtu, siç theksoi mjeku, masat rigoroze mund të ndikojnë të motivuara te disa nga duhanpirësit dhe të mendojnë për lënien e duhanit.

"Gjithsesi, atyre personave duhet t'u ndihmohet në mënyrë adekuate me qëllim që të ulet numri i duhanpirësve në vend. Me këtë jo vetëm që do të përmirësohet cilësia e jetës së qytetarëve, por edhe do të vazhdohet jetëgjatësia, veçanërisht nëse pirja e duhanit ndërpritet në kohë - është kategorik Dokiq në deklaratën për MIA-n. sa/

Foto: MIA arkivi/ arkivi privat i dr. Dokiq