Ankara, 30 janar 2026 (MIA) - Shefi i diplomacisë turke, Hakan Fidan sot apeloi deri te SHBA-ja dhe Irani të kthehen në tryezën e negociatave për t'i zgjedhur çështjet kontestuese.

"Paqja dhe stabiliteti i Iranit janë të rëndësishme për ne", deklaroi Fidan në konferencën e përbashkët për shtyp në Stamboll me kolegun iranian, Abas Aragçi.

Fidan theksoi se Ankaraja është kundër ndërhyrjes së huaj në punët e brendshme të Iranit.

"Shpresojmë se mund të gjendet zgjidhje, të shmanget konflikti, por edhe izolimi i Iranit", deklaroi Fidan.

Aragçi theksoi se Irani është gati të rifillojë bisedimet me SHBA-në nëse negociatat janë të drejta dhe të paanshme dhe nuk përfshijnë kapacitetet mbrojtëse të Iranit.

Fidan dhe Aragçi gjithashtu u përqëndruan edhe në situatën në Siri dhe armëpushimin midis Damaskut dhe forcave kurde.

"Po studiojmë me kujdes marrëveshjen e integrimit, integrimi i vërtetë është në interes të Sirisë dhe të gjitha palët janë tashmë të informuara me kushtet e kësaj marrëveshjeje", theksoi Fidan.

Aragçi theksoi se "Teherani dëshiron unitet dhe paqe në Siri".

Paraprakisht, presidenti turk Rexhep Taip Erdogan, në bisedën e sotme telefonike me homologun e tij iranian, Masud Pezeshkian, theksoi se Ankaraja është gati të ndërmjetësojë midis Iranit dhe SHBA-së. bsh/

Foto: MIA arkiv