Shkup, 26 mars 2026 (MIA) - Në sistemin e menaxhimit elektronik të dokumenteve dhe arkivit elektronik, kemi një rritje dhjetëfish të institucioneve krahasuar me katër vite më parë, theksoi ministri i Transformimit Dixhital, Stefan Andonovski nga foltorja kuvendore. 

Andonovski tha se kur erdhi në funksion, në sistem ishin të lidhura rreth 20 institucione shtetërore, por në një vit e gjysmë të kaluar, janë lidhur 23 institucione të reja dhe 12 institucione të tjera janë në proces të instalimit. Në proces të nënshkrimit të memorandumit janë 20 institucione të tjera.  

"Me ardhjen time në Ministri, ky sistem nuk ishte mirëmbajtur për më shumë se dy vjet dhe rreth 20 institucione shtetërore ishin të lidhura, që do të thotë se çdo muaj në katër vitet e fundit që sistemi ekzistonte dhe askush nuk dëgjoi për të, ishin të lidhura 0.4 institucione. Në një vit e gjysmë që nga mirëmbajtja e sistemit, kemi 23 institucione të reja, që do të thotë gjithsej 43 institucione. Të gjitha institucionet ekzistuese janë ripërpunuar për të kapërcyer vështirësitë që u është dashur të kapërcejn. Me ato që janë anëtarësuar deri më tani, kemi një ritëm prej katër institucionesh më shumë në muaj, që është një rritje 10-fish", tha Andonovski, duke iu përgjigjur pyetjeve të deputetëve. 

Në lidhje me atë se sa është i sigurit sistemi, Andonovski tha se të gjitha dobësitë janë kapërcyer dhe se sistemi sot është i sigurt.

"Gjatë mbykëqyrjes së parë të funksionimit të sistemit, vura re se ai nuk ishte testuar kurrë për dobësi sigurie. Ne nuk e dinim se me çfarë dobësish sigurie përballej sistemi dhe nëse dikush nga jashtë kishte qasje. Në dy muajt e parë, ne kryem testime të hollësishme sigurie që treguan shumë mangësi që janë kapërcyer dhe sot mund të them se nuk mund të prishet", theksoi Andonovski. rq/

Foto: Printskrin