Svet.SlajderБалканБалкан.ПорталВидеоДописници Свет

Инциденти во Атина на протестот против новиот закон за собири

Инциденти се случија вечерва на протестот пред грчкиот Парламент во Атина, каде пратениците треба да изгласаат нов закон за штрајкови и демонстрации.

Атина, 9 јули 2020 (МИА) – Инциденти се случија вечерва на протестот пред грчкиот Парламент во Атина, каде пратениците треба да изгласаат нов закон за штрајкови и демонстрации.

Како ѓто јави дописничката на МИА од Атина, група маскирани млади лица ја нападнаа полицијата со молотови коктели и разни тврди предмети. Полицијата одговори со шок бомби и солзавец.

Предизвикана е материјална штета на дел од влезовите на хотели во близина на Парламентот, а испишани се и слогани на ѕидовита од хотелите.

Инцидентите продолжија и низ околните улици, но и покрај големото количество на солзавец, дел од демонстрантите сепак останаа пред Парламентот.

Според засега неофицијални информации, полицијата привела 15 демонстранти.

Попладнево на неколку различни локации во центарот на Атина беа организирани повеќе собири од Синдикатот на Комунистичката партија, левичарски и вонпарламентарни организации и партии, левичарско ориентирани студентски движења, членови на СИРИЗА, меѓу кои и поранешни министри и сегашни пратеници. Крајната дестинација на сите собири беше грчкиот Парламент каде избија инцидентите. ср/гт/

Таг
Back to top button
Close
Close