СветСвет.Портал

Хакери открија податоци на 6,5 милиони Израелци

Поради повреда на безбедноста во апликацијата која ја користи израелската конзервативна партија, хакери открија лични податоци на речиси 6,5 милиони Израелци, изјави експертот за кибер безбедност Ноам Ротем.

Тел Авив, 10 февруари 2020 (МИА) – Поради повреда на безбедноста во апликацијата која ја користи израелската конзервативна партија, хакери открија лични податоци на речиси 6,5 милиони Израелци, изјави експертот за кибер безбедност Ноам Ротем.

Апликацијата ја користи партијата Ликуд на израелскиот премиер Бенјамин Нетанјаху, а откриените податоци вклучуваат имиња, адреси, матични броеви, место на кое гласаат, а во некои случаи и телефонски броеви, пол и партиска припадност.

Ликуд соопшти дека е спречен обид за оштетување на дигиталната платформа, која се користела за регрутирање приврзаници на партијата на денот на изборите.

Податоците стигнале до хакерите благодарејќи на неисправната безбедност на апликацијата, која Ликуд ја користел под името „Електор“, а дизајнирана е од израелската софтверска компанија Фидбек. гт/

Таг
Back to top button
Close
Close