СветСвет.Портал

Гранди: Светот под закана од бегалски бран поради климатските промени

Светот мора да се подготви за бегалски бран, бидејќи постои можност повеќе милиони луѓе да ги напуштат своите домови поради влијанието на климатските промени, предупреди денеска високиот комесар на ОН за бегалци, Филипо Гранди.

Давос, 21 јануари 2020 (МИА) – Светот мора да се подготви за бегалски бран, бидејќи постои можност повеќе милиони луѓе да ги напуштат своите домови поради влијанието на климатските промени, предупреди денеска високиот комесар на ОН за бегалци, Филипо Гранди.

Гранди, на маргините на Светскиот економски форум во Давос, изјави дека пресудата на ОН која е донесена вчера значи дека земјите кои прифаќаат мора да се однесуваат кон оние кои бегаат поради климатските промени, како кон бегалци.

– Во пресудата се наведува дека ако постои непосредна закана по вашиот живот поради климатски промени, по вонредна климатска ситуација, и ако преминете граница и заминете во друга земја, тогаш не треба да бидете вратени назад бидејќи ќе го ризикувате вашиот живот, исто како во војна или во случај на прогон, објасни Гранди.

Тој додаде дека светот треба да биде подготвен на голем бран луѓе, кои се преселуваат против своја волја.

– Не сакам да зборувам за конкретни бројки, тоа се премногу шпекулации, но секако станува збор за милиони тука, истакна високиот комесар на ОН за бегалци. гт/

Таг
Back to top button
Close
Close