0_Web_АктуелноОпштински вестиСкопје

Град Скопје набави нова опрема за справување со шумски пожари

Град Скопје набави нова опрема за справување со шумски пожари со цел подигање на нивото на заштита на природата на комплексот Водно, Сарај и Матка.

Скопје, 31 јули 2020 (МИА) – Град Скопје набави нова опрема за справување со шумски пожари со цел подигање на нивото на заштита на природата на комплексот Водно, Сарај и Матка.

Опремата, како што соопштија градските власти, се состои од два шумски трактори – четвороцикли, рачни пумпи за гасење пожар, моторни пумпи за вода, повеќенаменски алатки за гасење пожар, дрон со термална камера и моторни пили, а ќе бидат во функција на сите единици на Противпожарната бригада на Град Скопје и ЈП Паркови.

Целта е да можат полесно да се справат со шумските пожари на територијата на планинскиот појас од Водно до Матка и воедно да се зачуваат природните вредности на подрачјата.

Планината Водно и Кањонот Матка заради своите природни вредности се прогласени за заштитени подрачја и се атрактивни туристички дестинации во Скопје.

Активностите за подигнување на нивото за заштита од шумски пожари, Град Скопје ги реализира во рамки на проектот „Подобрување на управувањето со заштитените подрачја“, финансиран од Европската Унија, а се реализира од УНДП во соработка со Министерството за животна средина и просторно планирање.бт/лв/

Таг
Back to top button
Close
Close