ЕвропаЕвропа.Портал

Германија: Работниците на Тенис во карантин, во Гетинген повредени полицајци

Германските власти во Долна Саксонија и Северна Рајна Вестфалија денеска ја повикаа полицијата да помогне во спроведувањето на карантинските мерки по наглиот скок на бројот на заразени со коронавирусот во оние региони каде илјадници луѓе се ставени во карантин.

Франкфурт, 21 јуни 2020 (МИА) – Германските власти во Долна Саксонија и Северна Рајна Вестфалија денеска ја повикаа полицијата да помогне во спроведувањето на карантинските мерки по наглиот скок на бројот на заразени со коронавирусот во оние региони каде илјадници луѓе се ставени во карантин.

Најмалку осум полицајци се повредени во немирите што избувнаа вчера во станбен блок во Гетинген во Долна Саксонија, каде беа ставени во карантин околу 700 луѓе.

– Околу 200 луѓе се обидоа да излезат надвор, додека 500 од нив ги почитуваа мерките за карантин, рече денеска Уве Лириг, началник на полицијата во Гетинген.

Полициските службеници биле повредени кога станарите почнале да ги гаѓаат со шишиња и метални шипки, додаде тој.

И во Северна Рајна Вестфалија властите ставија во карантин 6.500 работници на кланица „Тенис“ и членови на нивните семејства, бидејќи повеќе од 1.000 вработени во овој германски концерн се заразени со вирусот.

Премиерот на покраината Армин Лашет ги повика конзуларните претставници од Полска, Бугарија и Романија да ангажираат преведувачи за да ги убедат работниците да ги почитуваат новите мерки за карантин.

Вработените и нивните семејства живеат во 1.300 станбени единици каде мора да провериме дали се почитува карантинот, рече тој, додавајќи дека помага и локалната полиција.

Тој додаде дека на луѓето треба да им се објасни дека доколку се заразени, не треба да бараат да се вратат во нивните матични земји, туку дека ќе ја добијат најдобрата здравствена заштита во Германија. јт/

Таг
Back to top button
Close
Close