0_Спорт.ПорталSport.SlajderРезултатиФудбал

Германија, Холандија и Хрватска се квалификуваа за ЕП 2020

Екипите на Германија, Холандија, Хрватска и Австрија се квалификуваа за завршницата на Европското првенство следното лето по вчерашните квалификациски натпревари.

Менхенгладбах, 17 ноември 2019 (МИА) – Екипите на Германија, Холандија, Хрватска и Австрија се квалификуваа за завршницата на Европското првенство следното лето по вчерашните квалификациски натпревари.

Во групата „Ц“, Германија ја совлада Белорусија со 4:0 како домаќини со два гола на Тони Крос и по еден од Матијас Гинтер и Леон Горецка. Холандија не дозволи пораз при нивната посета на Северна Ирска и натпреварот заврши со реми без голови. Бундестимот на тој начин се квалификуваше во завршницата на Европско првенство по рекорден 13-ти пат, додека „портокаловите“ се вратија на голем собир за прв пат од СП во 2014 година во Бразил.

Во групата „Е“, Хрватска ја совлада Словачка со 3:1 на домашен терен, обезбедувајќи место на континенталното натпреварување. Во другиот натпревар во групата, Велс оствари победа со 2-0 над Азербејџан и веќе ја држи судбината во свои раце, откако треба да ја совладаат Унгарија како домаќин во нивниот последен натпревар за да завршат на второто место во групата.

Во групата „Г“, Австрија и се приклучи на Полска во завршницата на ЕП 2020, откако ја победи Северна Македонија со 2:1 во Виена. Давид Алаба и Стефан Лаинер се запишаа за домашната екипа, додека Влатко Стојановски реализираше за македонскиот тим во 93. минута.

Таг
Back to top button
Close
Close