Svet.SlajderБалканБалкан.Портал

Ердоган: Единици на турската армија тргнаа кон Либија

Турскиот претседател Реџеп Тајип Ердоган изјави дека единици на турската армија се упатиле кон Либија за да ја поддржат меѓународно признатата влада за национално единство на Фаез ал-Серај.

Истанбул, 6 јануари (МИА) – Турскиот претседател Реџеп Тајип Ердоган изјави дека единици на турската армија се упатиле кон Либија за да ја поддржат меѓународно признатата влада за национално единство на Фаез ал-Серај.

Ердоган во интервју за Си-Ен-Ен Турк изјави дека Турција испраќа високи воени претставници во Либија на покана на Триполи.

– Ќе има оперативен центар (во Либија), ќе има турски генерал-полковник за управување со ситуацијата таму. Турските војници постепено веќе одат таму, рече Ердоган.

Како што објасни тој, целта на турските вооружени сили не е да се борат, туку да обезбедат прекин на огнот во Либија со поддршка на легитимната влада во Триполи.

Анкара и Триполи потпишаа меморандум за соработка за одбрана на 28 ноември.

Либија има две извршни власти – меѓународно признатата влада на национално единство на Ал-Сарај во Триполи и привремена валда на Абдулах ал-Тани на исток во држвата поддржана од Либиската национална армија на Калифа Хафтар. зш/

Back to top button
Close
Close