Shkup, 29 nëntor 2024

Me keqardhje dhe shqetësim të thellë kam marrë lajmin për dëmtimin e flamurit të Republikës së Maqedonisë së Veriut. Flamuri është simboli më i lartë i identitetit dhe dinjitetit kombëtar dhe si i tillë meriton respekt të plotë nga të gjithë qytetarët, pavarësisht bindjeve apo përkatësive të tyre.

Çdo akt i tillë nuk përfaqëson vlerat e bashkëjetesës dhe respektit të ndërsjellë që ne si shoqëri promovojmë. Ftoj organet kompetente të ndërmarrin masa të menjëhershme për të ndriçuar rrethanat e këtij incidenti dhe për të mbrojtur simbolet tona shtetërore.

Njëkohësisht, apeloj për qetësi dhe vetëdijësim të qytetarëve – bashkëpunimi dhe respekti janë rruga e vetme drejt një të ardhmeje të përbashkët më të mirë.

Kaltrina Zekolli- Shaqiri, zëvendësministre e Transportit

______________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.