Сан Антонио, 12 јуни 2025 (МИА) - Најмалку четири лица загинаа во Сан Антонио, Тексас, по обилни дождови што предизвикаа поплави на автопати и заглавија десетици возачи, соопштија локалните власти.

Противпожарната служба информира дека се трага по уште две лица кои се водат како исчезнати. Полицијата во Сан Антонио информира дека првите дојави за загрозени граѓани почнале да пристигнуваат пред изгрејсонце.

Спасувачките служби извршиле десетици интервенции на терен, а властите предупредуваат граѓаните да не се обидуваат да поминуваат преку поплавени улици. ссм/

фото: принтскрин