Крводарителска акција во Домот на Армијата
- Црвениот крст на Република Северна Македонија – Општинска организација Центар и Институтот за трансфузиона медицина на РСМ денеска по 22-ви пат ќе организираат крводарителска акција по повод празникот Успение на Пресвета Богородица.
![Крводарителска акција во Домот на Армијата](https://mia.mk/images/20240827191627_big_730x400_39.webp )
Скопје, 28 август 2024 (МИА) - Црвениот крст на Република Северна Македонија – Општинска организација Центар и Институтот за трансфузиона медицина на РСМ денеска по 22-ви пат ќе организираат крводарителска акција по повод празникот Успение на Пресвета Богородица.
Крводарителската акција ќе се спроведе во Домот на АРМ во Скопје од 9 до 17 часот.
Како што соопшти Црвениот крст, целта на акцијата е да се обезбедат поголеми количини крв во летниот период поради можноста од недостиг од крв и крвни деривати.
-Оваа акција веќе 20 години ја покажува големата хуманост на граѓаните на град Скопје. Започнувајќи со 146 дарувања во 2003 година, денеска, по 21 реализирана акција, се зборува за вкупен број од 4509 единици крв или во просек 214 крводарители по акција, информира Црвениот крст. хс/са/
Фото: Црвен крст на Република Северна Македонија