Лишен од слобода прилепчанец поради предизвикување пожар, ќе биде поднесена кривична пријава
- Полицијата вчера го лишила од слобода П.П.(77) од Прилеп поради тоа што предизвикал пожар.
![Лишен од слобода прилепчанец поради предизвикување пожар, ќе биде поднесена кривична пријава](https://mia.mk/images/20240828121118_big_730x400_63.webp )
Скопје, 28 август 2024 (МИА) - Полицијата вчера го лишила од слобода П.П.(77) од Прилеп поради тоа што предизвикал пожар.
Како што информира денеска МВР, околу 11 часот било пријавено дека настанал пожар на површина од околу 300 метри квадратни во близина на Прилеп, откако претходно П.П. во двор од својата викендица во две метални буриња запалил непотребни предмети и ѓубре, но огнот се проширил наоколу.
Пожарот е локализиран од страна на Територијалната против пожарна единица Прилеп, а повредени лица нема.
По документирање на настанот, против сторителот ќе следува кривична пријава. мд/цр
Фото: МИА архива