0_Web_Насловна-слајдерSvet.SlajderСветСвет.Портал

Екипа на СЗО за истрага на потеклото на пандемијата ја заврши мисијата во Кина

Светската здравствена организација (СЗО) соопшти дека тимот што го истражува потеклото на пандемијата на коронавирусот ја заврши својата мисија во Кина и порача дека се подготвува да распореди поголема група експерти во областа во која се сомнева дека се појави пандемијата.

Женева, 4 август 2020 (МИА)Светската здравствена организација (СЗО) соопшти дека тимот што го истражува потеклото на пандемијата на коронавирусот ја заврши својата мисија во Кина и порача дека се подготвува да распореди поголема група експерти во областа во која се сомнева дека се појави пандемијата.

Генералниот директор на СЗО, Тедрос Адана Гебрејесус вчера во Женева рече дека меѓународен тим ќе биде испратен во кинескиот град Вухан, од каде се верува дека почна пандемијата кон крајот на минатата година.

Тој додаде дека „проектните задачи“ биле осмислени од СЗО и Кина, но не прецизира какви задачи се во прашање.

Извршниот директор на СЗО за вонредни состојби Мајкл Рајан укажа дека има „празнини во епидемиолошкиот пејзаж“ и најави дека ќе се изврши проценка на соодветни студии и собрани податоци.

Рајан рече дека вистинскиот предизвик е да се оди на првите жаришта со цел да се најде патот до моментот кога е помината бариерата меѓу животните и луѓето со „систематско пребарување на првиот сигнал“.

– Откако еднаш ќе разберете каде е скршена бариерата, тогаш преминувате на истражување на животинската страна на посистематски начин, рече Рајан. паг/

Таг
Back to top button
Close
Close