0_Web_Актуелно0_Македонија.ПорталОпштество

До крајот на неделава нестабилно со локални поројни врнежи

Времето денеска ќе биде претежно облачно, посвежо и нестабилно со пороен дожд, грмежи и засилен ветер. Локално процесите ќе бидат поинтензивни во форма на невреме со обилен пороен дожд (над 30 литри на метар квадратен), поинтензивни електрични празнења и појава на град. Минималната температура ќе биде од 15 до 23, а максималната ќе достигне од 26 до 31 степен. УВ индексот ќе изнесува 6.

Скопје, 5 август 2020 (МИА) – Времето денеска ќе биде претежно облачно, посвежо и нестабилно со пороен дожд, грмежи и засилен ветер. Локално процесите ќе бидат поинтензивни во форма на невреме со обилен пороен дожд (над 30 литри на метар квадратен), поинтензивни електрични празнења и појава на град. Минималната температура ќе биде од 15 до 23, а максималната ќе достигне од 26 до 31 степен. УВ индексот ќе изнесува 6.

Во Скопје ќе биде претежно облачно, уште од претпладне со врнежи од дожд, повремено поројни, проследени со грмежи и засилен ветер. Минималната температура ќе биде околу 20, а максималната ќе достигне 28 степени.

И утре, под влијание на циклонска активност, времето ќе биде претежно облачно, свежо и нестабилно, на повеќе места со пороен дожд, грмежи и засилен ветер, а локално процесите ќе бидат поинтензивни во форма на невреме со пообилен пороен дожд, електрични празнења и изолирана појава на град.

Од петок и понатаму ќе биде нестабилно, со локална појава на пороен дожд и грмежи. мч/бак/

Back to top button
Close
Close