0_Web_Избор на уредникот0_Web_Насловна-слајдерВидео изјаваПарламентарни избори 2020Политика

ДИК ги утврди протоколите за гласање за 13, 14 и 15 јули

Посебниот избирачки одбор (ПИО), кој ќе го спроведе гласањето на 13 јули во домовите на лицата што се заразени со Ковид-19 и лицата што се во самоизолација (домашен карантин) ќе се состои од здравствени работници и претставници на политичките партии, соопшти денеска Борис Кондарко, член на Државната изборна комисија.

Скопје, 28 јули 2020 (МИА) – Посебниот избирачки одбор (ПИО), кој ќе го спроведе гласањето на 13 јули во домовите на лицата што се заразени со Ковид-19 и лицата што се во самоизолација (домашен карантин) ќе се состои од здравствени работници и претставници на политичките партии, соопшти денеска Борис Кондарко, член на Државната изборна комисија.

Како што објасни Кондарко, на 72 седница на ДИК, членовите на ПИО, ќе бидат опремени со лична заштита опрема, која се состои од мантил за еднократна употреба, ракавици за еднократна употреба, заштитна стандардна заштитна маска и средство за дезинфекција. Членовите на ПИО, според утврдените протоколи, заштитната опрема ја менуват по завршувањето на гласањето кај домот на секој гласач, односно толку пати колку што ќе одат да посетат домови на лица каде што има гласање.

– Лицето кое гласа задолжително носи заштитна маска преку носот и устата. При самото влегување во просторот (домот) најпрво лицето што гласа ги дезинфицира рацете. При влезот на домот на гласачот пред да му се даде гласачкото ливче, на гласачот му се дава заштитна маска доколку ја нема и задолжителни заштитни ракавици. При подавањето на личната карта лицето кое ќе гласа накратко ја симнува маската за идентификација и ја одржува препорачаната дистанца минимум од членовите на избирачкиот одбор, кои исто така се целосно заштитно опремени. Пред да му се даде ливчето за гласање на гласачот задолжително е да ги дезинфицира рацете на кои исто така има заштитни ракавици. По завршувањето на гласањето лицето кое гласа повторно ги дезинфицира рацете. Во целиот процес на гласање задолжително се обезбедува минималната физичка дистанца од еден, до еден и пол метар, информира Кондарко.

Тој воедно рече дека нема да се спроведува дезинфекција на гласачката кутија по секој гласач.

Сличен процес на гласање ќе се одвива и на 14 јули, изјави потпретседателката на ДИК, Дитмире Шеху, која истакна дека за разлика од 13 јули, процесот на гласање во домовите на болните, хроничните лица на 14 ќе го спроведат основните избирачки одбори (ОИО). Тие, според Шеху, нема да носат мантили како заштита, поради тоа што не се работи за позитивни случаи од Ковид-19. Но, тие ќе носат заштитна маска, ракавици и ќе одржуваат дистанца. Маската членовите на ОИО треба да ја менуваат на четири часа.

Елизабета Постоловска, како член на ДИК,  ја опиша постапка на гласање на 15 јули и рече дека ДИК е должна пред гласањето во просторите каде што ќе се гласа да спроведе темелно чистење, односно механичко чистење дезинфекција во секое избирачко место во државата без разлика дали се работи за училници во основни и средни училишта или, пак, се работи за приватни објекти.

– Сите 3 840 избирачки места ќе бидат дезинфицирани од ДИК. На денот на гласањето секој гласач е должен да држи пристојно растојание од метар и пол или два пред објектот на гласачкото место, како и пред влезот на секое гласчко место и во самото гласачко место. Пред влегување е должен да ги дезинфицира рацете и должен да држи маска. На ниту еден гласач нема да му биде дозволено да влезе во гласачкото место ако претходно не ги дезифицира рацете и не носи маска. Следниот чекор е кога гласачот влегува со маската во избирачкото место и е должен при идентификација накратко да ја извади маската за избирачкиот одбор да го утврди неговиот идентитет. Рацете ќе треба да се дезифинцираат при влезот и излезот на гласачкото место. Избирачките одбори внатре се должни да седат на дозволено растојание од метар до метар и пол и постојано да носат заштитна маска, како и ракавици, со тоа што гласачите наведуваме дека не треба да носат ракавици кога ќе влегуваат во гласачките места, рече Постоловска. оџ/аа/

Јавна седница на ДИК

Posted by MИА.mk on Недела, 28 јуни 2020

Back to top button
Close
Close