Дописници МКДОпштински вести

Црногорската амбасадорка во посета на Штип

Градоначалникот на општина Штип, Благој Бочварски денеска се сретна со амбасадорката на Црна Гора во земјава Марија Џерковиќ Петровиќ, почесниот конзул на Црна Гора во Штип, Бранко Азески и Никола Љушев, директор на Македонски Телеком.

Штип, 13 декември 2019 (МИА) – Градоначалникот на општина Штип, Благој Бочварски денеска се сретна со амбасадорката на Црна Гора во земјава Марија Џерковиќ Петровиќ, почесниот конзул на Црна Гора во Штип, Бранко Азески и Никола Љушев, директор на Македонски Телеком.

Градоначалникот Бочварски истакна дека Штип има сериозни потенцијали за инвестиции.

– Разговараме за вмрежување и соединување со компании од Црна Гора каде ќе се развие бизнис соработка, ќе се отворат нови работни места, ќе помогнеме во развојот на економиите на двете држави. Економиите можат да бидат секогаш на повисоко ниво и заради тоа нашите напори се во таа насока, рече Бочварски.

Една од причините за оваа средба е развивање на потенцијалот за развој на економските контакти, и трговска размена.

– Градоначалникот ме запозна со развојните потенцијали на општината и областа, културните и универзитетски можности. Зборевме и за соработка на локално ниво во таа смисла во фокусот беше економијата и јакнење на соработката на локално ниво. Јакнење на инвестицискиот процес. Денес ќе бидам во позиција да поразговарам со компанија која веќе соработува со Црна Гора и оние компании кои се заинтересирани да воспостават соработка се со цел јакнење на економскиот капацитет, развој, отворање нови работни места, рече Џерковиќ Петровиќ.

Амбасадорката на средбата изрази желба во иднина за можно збратимување на општината Штип со град од Црна Гора кој ќе одговори на потребите, целите и развојниот капацитет. вдј/мс/

Back to top button
Close
Close