Biznis.SlajderБизнисБизнис.ПорталЕкономија

Царовска на координација со инспекторатите, синдикатите и граѓанските организации

Вицепремиерката за економски прашања Мила Царовска денеска одржа редовна координација со претседателката на Инспекцискиот совет, Магдалена Филиповска Грашкоска, со директорите на неколку инспекторати, синдикални организации, како и преставници на граѓанските организации Гласен текстилец, Хелсиншки комитет, ХЕРА, Платформата за борба против сиромаштија, Мрежата против насилство врз жените и УНДП.

Скопје, 20 мај 2020 (МИА) – Вицепремиерката за економски прашања Мила Царовска денеска одржа редовна координација со претседателката на Инспекцискиот совет, Магдалена Филиповска Грашкоска, со директорите на неколку инспекторати, синдикални организации, како и преставници на граѓанските организации Гласен текстилец, Хелсиншки комитет, ХЕРА, Платформата за борба против сиромаштија, Мрежата против насилство врз жените и УНДП.

На состанокот, како што соопшти Кабинетот на Царовска, преку апликацијата „ЗУМ“ се дискутираше за спроведувањето на мерките и препораките на Владата во делот на заштита на работничките права, инспекциските надзори, почитувањето на протоколите од страна на работниците и компаниите и можностите за користење на државна помош во случај на губење на работа.

При тоа беше констатирано дека Државниот трудов инспекторат има интензивна соработка со синдикатите и со граѓанските организации коишто работат на заштита на работничките права и постапува веднаш по поднесувањето на претставките. Состанокот беше искористен граѓанските организации да дадат свои предлози и сугестии коишто ќе помогнат во носењето на нови мерки за полесно справување со здравствено и социоекономската криза предизвикана од Ковид-19.

Вицепремиерката Царовска истакна дека Владата вложува максимални напори да направи баланс во заштитата на работниците и компаниите, односно никој да не е губитник во оваа криза. нд/са/

Провери го и ова

Close
Back to top button
Close
Close