0_Спорт.ПорталТенис

Британскиот тенисер по пораз на „Ролан Гарос“: Дури ни на куче не би му дал вакви топчиња

Британскиот тенисер Дан Еванс упати остри зборови кон организаторите на „Ролан Гарос“ по неговиот пораз во првото коло. Триесетгодишниот Еванс загуби од Јапонецот Кеи Нишикори во пет сета - 6:1, 1:6, 6:7 (3: 7), 6:1 и 4:6.

Париз, 28 септември 2020 (МИА) – Британскиот тенисер Дан Еванс упати остри зборови кон организаторите на „Ролан Гарос“ по неговиот пораз во првото коло. Триесетгодишниот Еванс загуби од Јапонецот Кеи Нишикори во пет сета – 6:1, 1:6, 6:7 (3: 7), 6:1 и 4:6.

Според Еванс, причината за неговиот неуспех е студеното време во Париз и новите топчиња со кои се игра годинашниот Грен слем.

– Беше ладно. Дури ни на куче не би му дал да си игра со топчињата што ги користевме на теренот. Мислам дека овие топки се голема грешка. Во такво време, тешко е да се натераат да летаат некаде, изјави Еванс за „Yahoo Sport“.

Претходно, новите топчиња, поради нивната тежина беа критикувани од 12-кратниот шампион на Ролан Гарос, Рафаел Надал. зс/

Таг
Back to top button
Close
Close