Дописници СветЕвропаЕвропа.Портал

Борел: Не постигнавме договор за санкции против Белорусија (ДПЛ)

Шефот на европската дипломатија, Жосеп Борел, информираше дека министрите за надворешни работи на ЕУ не успеале да постигнат компромис за санкции против режимот во Белорусија, јави дописничката на МИА од Брисел.

Брисел, 21 септември 2020 (МИА) – Шефот на европската дипломатија, Жосеп Борел, информираше дека министрите за надворешни работи на ЕУ не успеале да постигнат компромис за санкции против режимот во Белорусија, јави дописничката на МИА од Брисел.

-Јасна е нашата волја да усвоиме санкции, но тоа не беше возможно денеска бидејќи не беше постигната потребана едногласност и прашањето ќе треба да го разгледаат шефовите на држави и влади подоцна оваа недела, за да дадат политичка насока, изјави Борел.

Советот за надворешни работи на ЕУ се очекуваше денес да постигне компромис за санкции против лицата инволвирани во бруталната репресија врз демонстрантите во Белорусија, како и за фалсификуваните избори.

Според информациите со кои располагаат медиумите, главниот отпор доаѓа од Кипар кој смета дека треба истовремено да се изречат санкции против Турција поради тензиите во источниот Медитеран.

ЕУ министрите денеска повториле дека изборите во Белорусија од деветти август не ги признаваат и дека Александар Лукашенко не е легитимен претседател, и побараа да се одржат нови избори набљудувани од мисија на ОБСЕ.

Борел нагласи дека ЕУ не се меша во внатрешните работи на Минск.

-Немаме скриена агенда, не сакаме да мешаме во внатрешните работи на земјата, само ги поддржуваме луѓето кои бараат систем во кои можат да ги изберат своите лидерите, бараме само национален дијалог за да се реши сегашната криза, и го поддржуваме суверенитетот на Белорусија. 

Борел додаде дека е лично разочаран од фактот што не е постигнат договор за санкции кон Белорусија и призна дека “една земја“ го блокира одлуката иако одби да го именува Кипар.

-Немаме едногласност затоа што една земја блокира консензус, усвојувањето на санкции воопшто не беше на дневен ред денеска, изјави Борел.

За шефот на дипломатијата целта е на следниот Совет за надворешни работи, за еден месец, да се усвојат санкциите, откако на крајот на оваа недела шефовите на држави и влади на самитот на ЕУ ќе постигнат политички договор за Турција.

-За мене ова станува лично прашање, сметам дека кредибилитетот на ЕУ зависи од ова, способноста да се санкционира Лукашенко е дел од создавањето на заедничка надворешна и безбедносна политика на ЕУ, ако не можеме тоа да го сториме, разбирам што нашиот кредибилитет е оштетен, додаде шефот на ЕУ дипломатијата.тм/

Back to top button
Close
Close