EvropëEvropë.Portal

Belgjika vendos masa më të rrepta kundër Kovid-19

Për shkak të rritjes së numrit të rasteve të reja të të infektuarve me koronavirus, Këshilli Kombëtar brlg i sigurisë vendosi sërish të vendos masa më të rrepta, në mënyrë që të parandalojë përhapjen e infeksionit.

Bruksel, 23 korrik 2020 (MIA) – Për shkak të rritjes së numrit të rasteve të reja të të infektuarve me koronavirus, Këshilli Kombëtar brlg i sigurisë vendosi sërish të vendos masa më të rrepta, në mënyrë që të parandalojë përhapjen e infeksionit.

Në vend të “fazës së pestë” të paralajmëruar të daljes nga masat e jashtëzakonshme, autoritetet belge vendosën të ashpërsojnë rregullat dhe kufizimet e reja. Masat e reja i referohen mbajtjes së detyrueshme të maskave ​​mbrojtëse në të gjitha vendet publike, por edhe në rrugë dhe tregje të ngjeshura, monitorimin e kontakteve të klientëve në kafene dhe bare, si dhe punë me kohë të pjesshme në dyqanet e natës.

Pasagjerët që vijnë në Belgjikë, do të duhet të plotësojnë formular 48 orë para se të hyjnë në vend, dhe të gjithë ata që vijnë nga zona, të cilat nga autoritetet belge konsiderohen “epidemiologjikisht të pasigurta”, do të duhet të testohen dhe të vendosen në karantinë.

Në Belgjikë, në muajin korrik u regjistrua rritje e konsiderueshme e numrit të personave të infektuar me koronavirus.

Epidemiologët belgë paralajmërojnë për “fillimin e valës së dytë” të epidemisë, duke kujtuar faktin se të hënën, më 13 korrik, janë paraqitur 216 raste të reja me Kovid-19, që është më shumë të infektuar sesa në mesin e muajit mars kur u vendosen masat për izolim.

Thuhet se këtë herë, më të prekur janë të rinjtë në mes moshës 20 dhe 30 vjeç dhe se vatra lokale të sëmundjes janë regjistruar në tërë vendin. bs/bsh/

Таг
Back to top button
Close
Close