0_Web_АктуелноBiznis.SlajderБизнисБизнис.ПорталЕкономија

Автобускиот превоз драстично намален, градскиот за 68,6 отсто, меѓуградскиот за 74,8 проценти

Во второто тримесечје од 2020 година автобуски превоз користеле вкупно 7.136.000 патници што во однос на истиот период лани е намалување за 64,8 отсто.

Скопје, 18 авгист 2020 (МИА) – Во второто тримесечје од 2020 година автобуски превоз користеле вкупно 7.136.000 патници, што во однос на истиот период лани е намалување за 64,8 отсто.

Како што соопшти Државниот завод за статистика, според видот на превозот, бројот на превезените патници со автобуси во градскиот превоз е намален за 68,6 отсто, во приградскиот за 56,7, во меѓуградскиот за 74,8, додека во меѓународниот превоз за 99,7 проценти.

Во истиот споредбен период, патничките километри во автобускиот патнички превоз се намалени за вкупно 88,2 отсто. Според видот на превозот, патничките километри во градскиот превоз бележат намалување од 88,8 проценти, во приградскиот 83,9, во меѓуградскиот 80,6, а во меѓународниот превоз намалувањето изнесува 99,7 отсто. мч/сп/

Back to top button
Close
Close