Svet.SlajderСветСвет.Портал

Американски владин медиум казни новинари поради материјал за Сорос

Американска владина радиотелевизиска компанија, која емитува програма за странство, соопшти дека ќе казни вработени одговорни за телевизиски материјал за Џорџ Сорос, кои ги прекршиле професионалната етика и стандарди.

Вашингтон, 30 октомври 2018 (МИА) – Американска владина радиотелевизиска компанија, која емитува програма за странство, соопшти дека ќе казни вработени одговорни за телевизиски материјал за Џорџ Сорос, кои ги прекршиле професионалната етика и стандарди.

Агенцијата за глобални медиуми на САД соопшти дека луѓето кои работеле на материјалот ќе бидат суспендирани од работа додека трае истрагата за „евентуални нерегуларности“, и можат да бидат казнети, вклучувајќи и отпуштање од работа во зависност од резултатите од истрагата.

Материјалот за Сорос бил емитуван во мај на шпанската радиотелевизиска мрежа „Марти“, која се емитува во Куба. Во него, Сорос е опишан како „еврејски мултимилијардер“ кој врши влијание врз државите преку невладини организации и се цитира коментар на конзервативната организација „Џудишинал воч“ (Правен набљудувач) дека тој ги поткопува демократиите.

Десничарски коментатори и политичари, без да достават докази, неодамна го обвинија Сорос дека тој ги финансирал мигрантите што се упатија кон САД од Централна Америка. јт/

###

 

Таг
Back to top button
Close
Close