СветСвет.Портал

Али Хамнеи: Пропаганда за закана од коронавирусот се обиде да одврати Иранци од гласање

Врховниот лидер на Иран, ајатолахот Али Хаменеи, денеска ја обвини непријателската пропаганда дека со преувеличување на заканата од коронавирусот се обиделе да одвратат луѓе од гласање на парламентарните избори во Иран.

Техеран, 23 февруари 2020 (МИА) – Врховниот лидер на Иран, ајатолахот Али Хаменеи, денеска ја обвини непријателската пропаганда дека со преувеличување на заканата од коронавирусот се обиделе да одвратат луѓе од гласање на парламентарните избори во Иран.

Иранските власти се уште не ги објавија конечните резултати од парламентарните избори одржани во четвртокот. Властите исто така не објавија информации за одзивот.

Слаб одзив може да укаже на незадоволство од иранското раководство, јавуваат западни медиуми.

– Нивните (пропагандни) медиуми не пропуштија ниту најмала можност да ги обесхрабрат луѓето, рече ајатолахот.

Иран го пријави првиот случај на коронавирус два дена пред изборите и од тогаш шестмина починаа.

Околу 7.000 кандидати учествуваа на парламентарните избори за 290 места. Затворањето на избирачките места беше одложено неколку пати со цел да учествуваат што е можно повеќе гласачи. зш/

Back to top button
Close
Close