Kiev, 22 korrik 2026 (MIA) - Ukraina ka miratuar eksportin e dronëve në SHBA, të cilët do të marrin pjesë në programin e simulimit të luftimeve të organizuar nga Pentagoni.

Sipas një burimi të paidentifikuar, gjashtë kompani ukrainase kanë marrë leje për të eksportuar afërsisht njëqind dronë. As Ukraina dhe as SHBA-ja nuk kanë komentuar zyrtarisht.

Ukraina dhe SHBA-ja po negociojnë gjithashtu një projekt-marrëveshje më të gjerë mbi dronët ukrainas, dhe vende të tjera janë gjithashtu të interesuara në blerjen e dronëve ukrainas për testim.

Ukraina ka nënshkruar tashmë kontrata për dronë me disa vende evropiane dhe të Lindjes së Mesme. Kievi gjithashtu ka lehtësuar kufizimet në eksportet e armëve pavarësisht luftës me Rusinë, megjithëse qeveria vazhdon të monitorojë nga afër armët e dërguara jashtë vendit.

Programi "Dominimi i droneve" i Pentagonit është një garë në të cilin dronë të vegjël sulmues nga dhjetëra prodhues të ndryshëm duhet t'u përgjigjen sfidave të dizajnuara për të simuluar situata beteje në botën reale.

Në raundin e parë të konkursit, fitoi droni i prodhuar bashkërisht nga kompania ukrainase "Skajfoll" (Skyfall) dhe kompania britanike "Skajkater"  (Skycutte). sa/

foto: MIA arkivi