Kiev, 8 gusht 2026 (MIA) - Njësitë e Forcave mbrojtëse të Ukrainës kanë goditur dy rafineri ruse nafte dhe një pikë vëzhgimi në platformën e shpimit Sivash në Detin e Zi gjatë natës, njoftoi sot Shtatmadhoria e Forcave të Armatosura të Ukrainës.

Sipas Shtatmadhorisë, është goditur rafineria Ilja në rajonin Krasnodar, pas së cilës shpërtheu një zjarr në territorin e objektit, raportoi Ukrinform.

Rafineria ka gjashtë njësi teknologjike dhe një kapacitet përpunimi prej rreth 6.6 milionë ton naftë në vit.

Është goditur gjithashtu edhe rafineria e naftës Sizran në Samara, e cila është pjesë e kompleksit të naftës Rosneft.

Kapaciteti i projektuar i rafinerisë është rreth 8.5 milionë ton naftë në vit, dhe pas sulmit, sipas deklaratave ukrainase, shpërtheu një zjarr.

Shtatmadhoria e Ukrainës njoftoi gjithashtu se ka goditur një pikë të vëzhgimit teknik të platformës së shpimit vetëngritëse Sivash në Detin e Zi, e cila përdoret nga forcat ruse për të instaluar pajisje mbikëqyrjeje dhe për të siguruar aktivitetet e tyre në zonë.

Shkalla e dëmit dhe rezultatet e sulmit, siç u tha, janë ende duke u përcaktuar. mb/

Foto: Iks