Barcelonë, 12 gusht 2026 (MIA) - Barcelona ka paraqitur një ofertë të re verbale prej 60 milionë eurosh, përfshirë bonuset, deri te Mançester Siti për mesfushorin Rodri, raportoi insajderi Fabricio Romano. 

Klubi anglez vazhdon të kërkojë 80 milionë euro për futbollistin 30-vjeçar. Megjithatë, katalanasit mbeten optimistë për arritjen e një marrëveshjeje. Mund të gjendet një kompromis mes 60 dhe 80 milionë eurove, ku bonuset do të luanin rol kyç.

Më herët, agjenti i lojtarit, Pablo Barkero, konfirmoi se Rodri ka zgjedhur Barcelonën para Real Madridit për të vazhduar karrierën.

Rodri është në Mançester Siti që nga vera e vitit 2019, ndërsa kontrata e tij me klubin është deri në verën e vitit 2027. 

Në sezonën 2025/26, mesfushori zhvilloi 33 ndeshje në të gjitha garat, duke shënuar dy gola. "Transfermarkt" e vlerëson atë në 55 milion euro. qa/

Foto: EPA