Shkup, 9 gusht 2026 (MIA) - Në territorin e vendit deri në orën 13:00 të ditës së sotme, janë regjistruar gjithsej nëntë zjarre në hapësira ​​të hapura, pesë nga të cilat janë aktive, një është nën kontroll dhe tre janë shuar, informon Qendra për Menaxhim me Kriza (QMK).

Zjarre aktive ka në fshatin Lisiçe e Epërme, Komuna e Aerodromit, ku digjet bimësi e ulët, lisa dhe misër, në autostradën Shkup-Veles përballë PB "Makpetroll" në Komunën e Ilindenit, ku digjet bimësi e ulët, në fshatin Turnovë, Komuna e Bosilovës, digjet kashtë, në një deponi në dalje nga Kriva Pallanka dhe në fshatin Simnicë, Komuna e Gostivarit, ku digjet bimësi e ulët, kashtë dhe shkurre.

Zjarri në Komunën e Zelenikovës mbi fshatin Zelenikovë, ku digjej pyll dhe bimësi e ulët, është vënë nën kontroll.

Janë shuar zjarret në fshatin Gërçec, Komuna e Sarajit, në Varrezat e reja të qytetit në Prilep dhe në fshatin Cirvivci, Komuna e Kërçovës. mb/

Foto: MIA