Shkup, 2 qershor 2026 (MIA) - Kryeministri Hristijan Mickoski sot në lidhje me paralajmërimet e LSDM-së dhe liderit të saj Venko Filipçe për një ligj të ri për luftë kundër korrupsionit, me të cilin, siç theksojnë, do të kthehet besimi në gjyqësor, tha se bëhet fjalë për të njëjtët njerëz që, kur ishin në pushtet, bënë ndryshimet në Kodin Penal, me të cilat u mundësua vjetërsimi i veprave dhe shmangia e përgjegjësisë.

 "Disa javë më parë, kur dëgjova për herë të parë për këtë iniciativë, mendova se bëhet fjalë për diçka që mund të lexohej në rubrikën "Besojeni ose jo". Kjo është arsyeja pse u përmbajta nga komentimi dhe prita pak kohë. Por shoh se ata po e promovojnë seriozisht këtë ide dhe padyshim që vërtet besojnë në të. Këta janë njerëz që ishin pjesë e pushtetit gjatë periudhës kur u bënë ndryshime në Kodin Penal, të cilat fshinë dispozita të caktuara që lejonin vjetërsimin  ose shmangien e përgjegjësisë për një numër të madh rastesh që lidhen me korrupsionin e lartë", tha Mickoski.

 Dhe sot, pa asnjë hezitim, shtoi ai, dhjetëra ditë e bindin opinionin e Maqedonisë se pikërisht ata do të jenë  bartës në luftën kundër korrupsionit.

 "Sinqerisht, është e vështirë për mua të habitem nga ajo që po dëgjoj. Nëse janë vërtet të bindur për pafajësinë e tyre, atëherë nuk duhet të kenë druajnë nga ndonjë proces gjyqësor. Por, ndjenja ime është se gjërat nuk janë kështu",  tha sot kryeministri Mickoski, duke iu përgjigjur pyetjes së gazetarëve pas hapjes së pishinës së re të Karposhit.

 Foto: Qeveria