Shkup, 2 qershor 2026 (MIA) - Kryeministri Hristian Mickoski, sot, lidhur me vizitën e sotme të kryetarit të Këshillit Evropian, Antonio Koshta në Shkup dhe pritshmëritë prej saj, theksoi se si kryetar i Qeverisë nuk e ka ndërmend të mbështesë një aventurë pa e ditur se ajo ka një përfundim të sigurt, duke shtuar se gjatë procesit të integrimit evropian pala e Maqedonisë ka treguar se është konkurruese, me kapacitet dhe se ka vullnet për përfundim të shpejt të procesit. Por, shtoi Mickoski, pa asnjë perspektivë të qartë dhe një rezultatat të sigurt, nuk mund të hyjmë në një aventurë të tillë. 

"Ne shumëherë deri tani e kemi treguar qëndrimin tonë edhe ajo mbetet e pandryshuar. Nëse i lemë mënjanë deklaratat dhe konstruksionet e opozitës, po flasim për politikë reale dhe për politikë që zbatohet në praktikë. Si kryetar i Qeverisë, nuk kam ndërmend të mbështesë një aventurë pa e ditur se ajo ka një përfundim të sigurt. Ne po tregojmë se jemi konkurrues, se kemi kapacitet, njohuri dhe vullnet për të kaluar shpejt këtë proces. Por, pa një perspektivë të qartë dhe një rezultat të sigurt, nuk mund të hyjmë në një aventurë të tillë. Për tre dekada e gjysmë, qytetarët e këtij vendi kanë qenë dëshmitarë të aventurave dhe manovrave politike, dhe sot jemi praktikisht në të njejtin vend ku ishim edhe para 25 vitesh kur e nisëm këtë proces. Prandaj nuk është e drejtë dhe nuk është serioze të pritet që të vijë një politikan i lartë evropian dhe ne menjëherë të ndryshojmë qëndrimin tonë. Kjo nuk do të ndodhë", theksoi Mickoski, duke u përgjigjur në pyetjen e gazetarëve për pritshmëritë nga vizita e Koshtës. 

Mickoski pas hapjes së pishinës së re "Karposh" u ndal edhe te vërejtjet e opozitës dhe theksoi se pa VMRO-DPMNE-në, ky proces nuk mund të ketë sukses.

Ai shtoi se ky proces duhet të bazohet në besim, ndërsa besimi ndërtohet përmes komunikimit të dyanshëm.

"Nëse rruga është njëkahëshe, nuk mund të ketë besim. Që të ndërtojmë besim, duhet të shohim edhe hapa konkretë nga pala tjetër", tha Mickoski.

Ai theksoi se, nëse të gjithë politikanët evropianë janë të njëzëshëm se nuk do të ketë kushte të reja, atëherë minimumi që mund të marrë shteti janë konkluzione të reja, ku kjo do të jetë e theksuar qartë, dhe me këtë do të konfirmohen mbështetja dhe besimi.

"Mendimi i është se fillimisht duhet të fillojmë të ndërtojmë besim dhe të bisedojmë. Për momentin nuk po bisedojmë mjaftueshëm. Nëse duhet të bisedojmë me Bashkimi Evropian, ne jemi të gatshëm. Dialogu është ajo që na bashkon, jo ajo që na ndan. Gjithashtu, duhet t’i përkushtohemi përmbushjes së agjendës së reformave, ku jemi ndër vendet më të suksesshme në rajonin e Ballkani Perëndimor. Këto janë tema për të cilat unë do të bisedoja, sepse bëhet fjalë për rezultate konkrete që mund të realizohen shpejt", tha Mickoski.

Kryeministri theksoi se më pas, nëse krijohet hapësirë për besim, mund të kalojmë në fazën e ardhshme.

Kryeministri tha se është i vetëdijshëm që Bullgaria po përballet me sfida të brendshme pas procesit zgjedhor, me probleme ekonomike, inflacion dhe çështje të tjera, gjë që krijon mosbesim shtesë, por shtoi se si fqinj i mirë jemi të gatshëm të ndihmojmë sa herë që kjo të jetë e nevojshme. qa/

Foto: Printskrin